Цæгат Ирыстоны бюджеты дефицит ацы аз фæфылдæр 2 миллиард сомы онг
Цæгат Ирыстоны бюджеты дефицит ацы аз фæфылдæр 2 миллиард сомы онг. Æфтиæгтæ сты 51 миллиард 903 милуаны. Хæрдзтæ - 54 миллиард 851 милуаны. Уый тыххæй фехъусын кодтой Парламенты Советы æмбырды. Иннæ аз дæр, рагагъоммæйы бæрæггæнæнтæм гæсгæ, бюджеты уыдзæн дефицит. Нысангонд æфтиæгты бæрц - 46 миллиард 370 мины. Хæрдзтæ - 46 миллиард 189 милуаны. Ныхас ма цыд сæрмагонд æфсæддон операцийы архайджытæм сæ хæдзæрттæм газ уадзыны хъуыддаджы фæкæсыныл. Республикæйы закъонмæ сæрмагонд ивддзинæдтæ бахæссыны фарс парламенты уæнгтæ фыццаг æркасты рахæцыдысты. 1-æм январæй æнæфидгæйæ исдзысты юридикон æххуыс дæр. Ахæм лæггæдтæ лæвар чи кæндзæн, уыдоны хыгъдмæ, гæнæн ис, æмæ нотариустæ дæр бахауой. Парламентаритæ ма хорзыл банымадтой ноджыдæр иу закъоныпроект. Афтæ, фидгæ фæндæгтыл гуманитарон æххуыс ласæг транспорт цæудзæн лæвар. Уæдæ уæлдай хъахъхъæд цы æрдзон бынæттæ цæуынц, уырдæм, гæнæн ис, æмæ уыцы иу рæстæг бирæ туристтæн цæуыны бар мауал уа. Парламенты сæрдар Тускъаты Таймураз фæбæрæг кодта ивддзинад ахсджиаг кæй у. Загъта, экологийыл хорзырдæм кæй сахаддзæн. Фыццаг æркасты ма рахæцыдысты иу закъоныпроекты сæрыл. Йæ æууæлтæм гæсгæ, дзæбæхгæнæн æмæ профилактикон хæлцад ласынæн дзуапп дæтдзæн иунæг республикон куыстуат.
Цæгат Ирыстоны бюджеты дефицит ацы аз фæфылдæр 2 миллиард сомы онг. Æфтиæгтæ сты 51 миллиард 903 милуаны. Хæрдзтæ - 54 миллиард 851 милуаны. Уый тыххæй фехъусын кодтой Парламенты Советы æмбырды. Иннæ аз дæр, рагагъоммæйы бæрæггæнæнтæм гæсгæ, бюджеты уыдзæн дефицит. Нысангонд æфтиæгты бæрц - 46 миллиард 370 мины. Хæрдзтæ - 46 миллиард 189 милуаны. Ныхас ма цыд сæрмагонд æфсæддон операцийы архайджытæм сæ хæдзæрттæм газ уадзыны хъуыддаджы фæкæсыныл. Республикæйы закъонмæ сæрмагонд ивддзинæдтæ бахæссыны фарс парламенты уæнгтæ фыццаг æркасты рахæцыдысты. 1-æм январæй æнæфидгæйæ исдзысты юридикон æххуыс дæр. Ахæм лæггæдтæ лæвар чи кæндзæн, уыдоны хыгъдмæ, гæнæн ис, æмæ нотариустæ дæр бахауой. Парламентаритæ ма хорзыл банымадтой ноджыдæр иу закъоныпроект. Афтæ, фидгæ фæндæгтыл гуманитарон æххуыс ласæг транспорт цæудзæн лæвар. Уæдæ уæлдай хъахъхъæд цы æрдзон бынæттæ цæуынц, уырдæм, гæнæн ис, æмæ уыцы иу рæстæг бирæ туристтæн цæуыны бар мауал уа. Парламенты сæрдар Тускъаты Таймураз фæбæрæг кодта ивддзинад ахсджиаг кæй у. Загъта, экологийыл хорзырдæм кæй сахаддзæн. Фыццаг æркасты ма рахæцыдысты иу закъоныпроекты сæрыл. Йæ æууæлтæм гæсгæ, дзæбæхгæнæн æмæ профилактикон хæлцад ласынæн дзуапп дæтдзæн иунæг республикон куыстуат.