спаржа

Дыууæ хатты фæнд кæнынц фæфылдæр кæнын спаржæйы тыллæг Цæгат Ирыстоны. Ацы азы кæронмæ сæ фæзуат фæуæрæхдæр кæндзысты 100 гектары. Уый тыххæй фехъусын кодта нæ республикæй хъæууон хæдзарады министр Уазиты Хъазыбег. Йæ ныхæстæм гæсгæ, ныртæккæ спаржæ зайын кæнынц 53 гектары фæзыл. Зæхх рахай кодтой 2018-æм азы. Раздæр дзы сагътой нартхор æмæ картоф, фæлæ дзы спражæй дæр хорз ныххæцыд. Йæ мыггаг парахат кæнын ныртæккæ уæлдай пайда у, уый тыххæй æмæ йæ агуырынц æндæр регионты дæр. Ныртæккæ æмгуыстады бадзырдтæ бафыссыны тыххæй ныхас цæуы Санкт-Петербург æмæ Мскуыйы минæвæрттимæ. Специалистты хъуыдымæ гæсгæ, æрмæст уыдонæн бахъæудзæн афæдзмæ иу мин æмæ рдæг тоннæйы спаржæ. Уыцы иу рæстæг, хъæууон хæдзарады кусджытæ зæгъынц, кæд ацы зайæгой парахатгонд у, уæддæ йæ куыст кæнын æнцон нæу. Уый тыххæй бахатыдысты Уæрæсейы хъæууон хæдзарады министрадмæ, цæмæй спражæ бахæссой бирæаз чи лæууы, ахæм мыггæгты хыгъдмæ. Афтæ йæ куы снысан кæной, уæд кусджытæн фадат уыдзæн субсидитæ исын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv