Уæзласæн хæдтулгæ ЗИЛ-130 чи адавта, уый æрцахстой

Хъуыстгонд чи у, ахæм уæзласæн хæдтулгæ ЗИЛ-130 чи адавта, уыцы фыдгæнджыты æрцахстой Дзæуджыхъæуы пъæлицæйы кусджытæ. Дзæуджыхъæуы пъæлицæйæгтæм фæхабар кодта 64-аздзыд нæлгоймаг. Куыд бамбарын кодта, афтæмæй Щербаковы номыл уынджы хæдзары кæртæй чидæр адавта йæ уæзласæн хæдтулгæ «ЗИЛ-130». Йæ аргъ 150 мин сомы. Нæлгоймагæн, йæ хæдтулгæ йæ хæдзары нал ис, уый сбæрæг кодта райсомæй рудзынгæй куы ракаст, уæд. Пъæлицæйæгтæ цырд фæллæуыдысты. Уайтагъд хæдзæртты кæртыты сарæзтой басгæрст. Æрфарстой адæмы. Цалдæр сахатмæ ссардтой давæджы дæр. Уый разынд раздæр ма ахæстоны чи бадт, ахæм 60-аздзыд нæлгоймаг сыхаг республикæйæ. Нæлгоймаг куыд бамбарын кодта, афтæмæй хæдтулгæ атардта, цæмæй йыл йæ хæдзармæ ацæуа. Ныртæккæ фыдгæнæджы ныхмæ байгом кодтой уголовон хъуыддаг. Гæнæн ис æмæ ахæстоны фæбада 5 азы. Пъæлицæйы кусджытæ иу хатт ма сидынц Дзæуджыхъæуы цæрджытæм, цæмæй уой къæрцхъусдæр. Сæ мулк хъахъхъæной. Сæ хæдтулгæтæ æвæгæсæй ма уадзой. Барадхъахъæнджыты æвæстиатæй сарæзтой агурæн мадзæлттæ. Æрзылдысты Дзæуджыхъæуы бирæфатерон хæдзæртты кæртытыл, кæд мыййаг исчи исты федта зæгъгæ. Уыцы куыст кæнгæйæ рабæрæг кодтам закъонхалæджы æмæ йæ æрцахстам. Цы знаггад ракодта уый фæдыл байгом кодтам уголовон хъуыддаг 166 статьямæ гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv