Ахуырады фарстатæ

Цæгат Ирыстоны 17 хъæуы фæзындзæн гуманитарон нымæцон профилон центртæ. Уый тыххæй фехъусын кодта нæ республикæйы сæргълæууæг Битарты Вячеслав йæ æрвылазон ныстуаны республикæйы парламентæн. Уымæй уæлдай ма Цæгат Ирыстоны фæзындзæн уæлæмхасæн ахуырады программæтæ. Уыдоны руаджы скъоладзаутæн фадат фæзындзæн. Информатикæйы æмæ астрономийы наукæты ногдзинæдтæ базондзысты. 2019 азы уыцы хъуыддæгтæн радих кæндзысты 160 милуан сомы. Битарты Вячеслав ма йе `ргом раздæхта планетаримæ дæр. Цалцæггæнæн куыстытæ дзы кæронмæ фæхæццæ кæнынц. Хъæугæ кусæнгæрзтæй йæ ифтонг кæнынц. Уымæй уæлдай ма йæ фарсмæ сараздзысты космонафтикæйы скъола. Нæ республикæйы сæргълæууæджы ныхæстæм гæсгæ йе `руаджы фæзындзæн промышленнон къабазы специалисттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv