Йæ цардæй ахицæн Андиаты Сослан

Чысыл раздæр куыд рабæрæг, афтæмæй йæ цардæй ахицæн Андиаты Сослан. Æвæццæгæн, ацы ном канд республикæйы нæ, фæлæ æгас бæстæйы чи нæ зоны, ахæм адæймаг нæ разындзæн. Андиайы-фырт у Олимпаг хъæзтыты 2 хатты чемпион, ахæм ном нæ республикæйы райста фыццаг. 4 хатты та ссис Дунейы чемпион. Андиаты Сослан райгуырд 1952-æм азы. 12 азы йыл куы цыд, уæд бауарзта уæгъдибар хъæбысхæст. Ссис иттæг дæсны уыцы спорты. Афтæ рауад, æмæ ма йе `фсымæртимæ иумæ æппæтуæрæсеон ерысты бацахста æгас пъедестал дæр. Ахæм æнтыст уæдæй фæстæмæ никæйуал къухы бафтыд. Йæхи аккагæй кæй февдыста йæ цардвæндагыл, уый тыххæй Андиаты Сосланы бар бакодтой ацы къабазимæ баст бæрнон бынæттæ. Уыдис Парламенты депутат, æхсæнадон кусæг, йе `нæзæрдæхудт фæллойы тыххæй йын саккаг кодтой бирæ паддзахадон хæрзиуджытæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv