Табуафси!

Национ музейы бындурыл Дзæуджыхъæуы байгом кодтой туристон-информацион центр. Фенæн æмæ дзы базонæн уыдзæн нæ республикæйы рæсугъд æмæ ирхæфсæн бынæтты тыххæй информаци. Йæ байгом кæныны кадджын мадзалы архайдта нæ республикæйы хицауады сæрдар Тускъаты Таймураз. Йæ ныхæстæм гæсгæ, ацы центр туризмы рæзтæн ахъаз уыдзæн. Уыимæ ма йæ нысан у инвесторты ргом нæ республикæмæ раздахын, цæмæй сæ фæнда Цæгат Ирыстоны кусын. Æхсызгон та уый у æмæ ныр национ музейы экскурсоводыл сахуыр кæнæн кæй ис. Байгом дзы кодтой ахуыргæнæн кълас. Ахуырты фæстæ специалисттæ райсдзысты æмбæлгæ гæххæт æмæ сæ бон уыдзæн Цæгат Ирыстоны экскурситæ амонын. Ныридæгæн фыст æрцыд 5 экскурсион туры. Нæ республикæйы цæрджытæн сæ бон у фенын Къæхтысæры тудджынты мæсыг, Багаты хъæу, Æхсинты каньон, Мидæгрæбыны æхсæрдзæнтæ æмæ бирæ æндæр цымыдисаг бынæттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv