Конкурс-фестиваль «Дзæнхъа стъалытæ»

Тæрхондоны пъырыстыфты управленийы хъæппæрисæй 10-æм аз цæуы æппæтуæрæсеон конкурс-фестиваль «Дзæнхъа стъалытæ». Абон Хæххон аграрон университеты культурæйы галуаны уыд йæ 1-аг регионалон къæпхæн. Æвзарæн хайы архайдтой 50 сывæллоны. Сæ кармæ сæ адих кодтой дыууæ къордыл. Сывæллæттæ равдыстой сæ арæхстдзинад кафынæй æмæ зарынæй. Равдыстой музыкалон инструменттыл куыд цæгъдынц, уый дæр. Æппæтуæрæсеон конкурс æртæ къæпхæнæй арæзт у. Æртыккаг- кæронбæттæн къæпхæны уæлахиздзаутæ архайдзысты гала-концерты. Уыдзæн Мæскуыйы концертон зал «Россия»-йы. Сывæллæттимæ концерты архайдзæн нæ бæстæйы адæмон артист Иосиф Кобзон. Уыимæ ма уæлахиздзаутæн бар уыдзæн сывæллæтты æппæтуæрæсеон центр «Орленок»-ы баулæфынæн. Фестивалæн æмбал нæй. Фадат дæтты барадон æмæ æндæр паддзахадон куыстуæтты кусджыты курдиатджын сывæллæтты раргом кæнынæн. Фæлæ проекты сæйраг нысан уый нæу. Фыццаджыдæр ын хъомыладон нысаниуæг ис. Ахæм хуызы ма сывæллæттимæ кæнынц патриотон куыст. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv