Педагогон кусджыты æрвылазон августы æмбырд арæзт æрцыд Дзæуджыхъæуы

Педагогон кусджыты æрвылазон августы æмбырд арæзт æрцыд Дзæуджыхъæуы. Архайдта дзы регионы разамонæг Сергей Меняйло. Ныхасы стыр æргом аздæхтой ирон æвзаг бахъахъхъæныны æмæ райгуырæн зæххы истори зоныны фарстатæм. Æмбырды архайджытæ фæнысан кодтой ахуыры азы хатдзæгтæ дæр. Цæгат Ирыстоны ацы къабаз æнтыстджынæй рæзы. Национ проект "Ахуырад"-мæ гæсгæ сарæзтой дæсгай профилон кусæндоны. Уый руаджы фæзынд ног бынæттæ ахуырдзаутæн æмæ скъолайы агъоммæ сабитæн. Уыимæ ма бындуронæй цалцæг кæнынц скъолатæ, гом кæнынц уæлæмхасæн ахуырады центртæ. Сергей Меняйло куыд фæнысан кодта, афтæмæй системæйы райрæзтыл хъæуы дарддæр дæр кусын, саразын æппæты хуыздæр уавæртæ сывæллæттæн æмæ педагогтæн.