Æнæниздзинады тыххæй

Республикæйы æнæниздзинад хъахъхъæны рæзты программæ хæстæгдæр 6 азмæ сбæлвырд кодтой. Уый тыххæй проектон офисы æмбырды фехъусын кодта республикæйы райрæзты агентады æнæниздзинад хъахъхъæныны хайады сæргълæууæг Туаты Ирмæ. Программæйы хæс у тарниз æмæ онкологон рынты ныхмæ тох, стæй рынчындæттæ хъæугæ хостæ æмæ нырыккон технологитæй сифтонг кæнын. Битарты Вячеслав бабар кодта, цæмæй Беслæны теракты амæттæгтæн баххуыс кæнынæн саразой сæрмагонд пълан. Хæрдзтæ фыст цæудзысты республикæйы сæргълæууæджы фондæй. Уымæй уæлдай ма сцалцæг кæндзысты республикон сывæллæты рынчындон, республикон онкологон æмæ тарнизы ныхмæ тохы диспансертæ. Сывæллæтты поликлиникæтæ, республикон рынчындоны дадзинты низты центр æмæ Мæздæджы рынчындоны дадзинты низты хайадæн дæр хъæугæ кусæнгæрзтæ балхæндзысты. Программæйы уæлдай æргом аздахдзысты рынчындæтты адæмæн æмбæлгæ уавæртæ аразынмæ. Сараздзысты ма æппæт хъæугæ мадзæлттæ, цæмæй рынчынты дохтырмæ бахауынæн бирæ `нхъæлмæ кæсын ма хъæуа æмæ медицинон æххуысы хæрзхъæддзинад бæрзонддæр уа. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv