Демьян Лаптевы снысан кодтой Цæгат Ирыстоны мидхъуыддæгты министрæй

Бæстæйы президент Владимир Путины бардзырдмæ гæсгæ, пæлицæйы инæлар-майор Демьян Лаптевы снысан кодтой Цæгат Ирыстоны мидхъуыддæгты министрæй. Демьян Лаптев у Стъараполы крайæ. Раздæр уыд Мидхъуыддæгты министрады Томскы облæсты управленийы разамонæг. Бæрнады кусджыты сæ ног разамонæгимæ видеобастдзинады руаджы базонгæ кодта Уæрæсейы мидхъуыддæгты министры фыццаг хæдивæг Александр Горовой. Мадзалы архайдта республикæйы хицауады сæрдар Дзанайты Барис.