Æппæтуæрæсеон конкурс «Большие вызовы»-йы кæронбæттæн къæпхæн ацыд Дзæуджыхъæуы

Æппæтуæрæсеон конкурс «Большие вызовы»-йы кæронбæттæн къæпхæн ацыд Дзæуджыхъæуы. Цæгат Ирыстонæй финалмæ рацыд 13 скъоладзауы. Æдæппæтæй курдиæттæ нæ республикæйæ балæвæрдтой 27 адæймаджы. Конкурсы сæйраг нысан у курдиатджын фæсивæд рабæрæг кæнын. Æвзонг ахуыргондтæ эксперттæн равдисдзысты сæ куыстытæ. Финалы сбæрæг уыдзæн сæ цæттæдзинад. Иннæ къæпхæн чи ацæуа уыдон ахуыртæ ацæудзысты ахуырадон центр «Сириус»-ы Сочийы. Цæгатирыстойнæгтæ конкурсы сæхи æвзарынц фыццаг хатт. Равзæрстой цыппар къабазы: агротехникæйæ райдай æмæ логистикон системæтæй фæуы. Конкурсанттæй иуы бафæндыд хи гъдауæй тæхæг ног хуызы аппарат саразын. Йæ бон уыдзæн алыхуызон уæзæгтæ æмæ адæмы ласын. Иу аипп ис – дæрддзæф рæттæм йæ бон атæхын нæ уыдзæн. Хорз миниуджытæ – йæ бон уыдзæн мидбынаты стæхын. Уымæн æй фæндаг, кæнæ сæрмагонд фæзуат нæ бахъæудзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv