Кино уарзджытæн нæ республикæйы кусы проект «Современник»

Кино уарзджытæн нæ республикæйы кусы проект «Современник». Проект сæрмагондæй у аивад, культурæ æмæ кинемотографимæ æмхиц чидæриддæр у, уыдонæн. Уый фæлгæты Цæгат Ирыстоны Наукон библиотекæйы уыдис фембæлд режиссер Золойты Фатимæ æмæ йæ продюсер Талханаты Иринæимæ. Чызджытæ равдыстой сæ хуыздæр куыстытæ. Золойты Фатимæ адæмы базонгæ кодта йæ цыбыр кинонывтæ «Встреча» æмæ «Завтра будет завтра»-имæ. Уыдон уыдысты йæ дипломон куыстытæ Мæскуыйы кинемотографи æмæ театралон аивады академийы ма куы ахуыр кодта, уæд. Кинонывтæ куы равдыстой, уæд уазджытæн сæ бон уыди аныхас кæнын автортимæ. Ныртæккæ режиссертæн ахсджиагдæр у, цæмæй сæ куыстытæ адæмы рæгъмæ рахæссой, стæй ма сæ фидæны проектимæ дæр базонгæ кæной. Талханаты Иринæ, режиссёр: «Мæнæн тынг æхсызгон уыд, ардæм мæ куы 'рбахуыдтой, уæд. Хъуыды дæр ыл нæ акодтаин, кæй мæ æрбæхондзысты, ууыл. Фæлæ æз афтæ хъуыды кæнын, æмæ хъуамæ адæм зоной, кæмæн цы бантыст, уыцы хабæртты тыххæй. Нæ республикæ йæхи цæттæ кæндзæн глобалон проектмæ. Мæныл дзы сæвæрдтой хæс, цæмæй дзы уон кастинг-директор. Уымæ гæсгæ мæхи бæстонæй цæттæ кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv