Фæирвæзын кодта сывæллоны

Абон апарахат сты Интернеты. Хабар æрцыдис Францийы сæйраг горæт Парижы. Цæвиттон, бынæттон цæрæг, Малийæ рацæуæг Мамуду Гассама æнцад йæхицæн уынджы фæцæйцыд. Æваст йæ цæст æрхæцыд цæрæн хæдзары бæстыхайы 5-æм уæладзыджы рудзгуытæй иуыл æмæ йæ уд йæ къæхты бынæй ауад. Рудзынджы тæрхæгыл ауыдта 4-аздзыд сывæллоны. Уый куыддæр æгъдауæй æрцауындзæг, тыххæй ма хæц ыд йæ къухтæй æмæ уыд æрхауынæввонг. Гассама айтæ-уйтæ нал фæкодта, фæлæ уайтагъд бæстыхайы къулыл хилынмæ фæци сывæллоны ирвæзын кæнынмæ. Æмæ йын æнтысгæ дæр бакодта. Сывæллоны аирвæзын кодта. Фæстæдæр, дам, Францийы президент Макрон фæдзырдта нæлгоймагмæ йæ резиденцимæ. Бынæттон информацион фæрæзтæ куыд хъусын кæнынц, афтæмæй уыцы фембæлды фæстæ Мамуду Гассама ссис Францийы æххæстбарджын гражданин. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv