Фæндæгтыл чи цæуы, уыдонæн ма иу ахсджиаг хабар

Фæндæгтыл чи цæуы, уыдонæн ма - иу ахсджиаг хабар. Дзæуджыхъæуы дæргъвæтин æмгъуыдмæ сæхгæндзысты горæты сæйрагдæр фæндæгтæй иу. Ныхас цæуы Мамсыраты Хаджумары номыл уынгыл. Абон Дзæуджыхъæуы администрацийы пресс-службæйæ куыд фехъусын кодтой, афтæмæй ам райдайдзысты цалцæггæнæн куыстытæ. Уый тыххæй фæндаг сæхгæнын бахъуыд абон. Ацæуыны бар ыл нæ уыдзæн 30 августмæ. Горæты администраци хатыр куры адæмæй, æнæбары сын къуылымпытæ кæй бавзарын кæндзæн, уый тыххæй. Фæлæ фæндаг цалцæггæнинаг кæй у, уый алчидæр æмбары. 3 мæйы æмгъуыдмæ уал шофырты бахъæудзæн Мамсыры-фырты номыл уынджы иувæрсты цæуын. Бирæтæ знæт кæндзысты, фæлæ, цæй, ногарæзт фæндаджы тыххæй бабыхсæн дæр ис. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv