200 богалы сæ арæхстдзинад равдисдзысты Андиаты Сосланы номыл турниры

200 богалы Уæрæсе æмæ фæсарæнтæй сæ арæхстдзинад равдисдзысты Цæгат Ирыстоны Андиаты Сосланы номыл турниры. Олимпаг хъæзтыты дыууæ хатты уæлахиздзау, дунейы цыппар хатты чемпион Андиаты Сосланы номыл турниры ерыстæ уæгъдибар хъæбысхæстæй Дзæуджыхъæуы цæудзæн 28-æй 29 ноябрмæ. Фенæн сæ уыдзæн спортивон галуан «Манеж»-ы. Уый тыххæй хъусын кæны республикæйы физкультурæ æмæ спорты министрады пресс-службæ. Спортсментæ ссæудзысты Уæрæсейы алы къуымтæй, уыимæ Арменийæ, Казахстанæй, Туркменийæ. Андиаты Сосланы номыл турнир арæзт вæййы æрвылаз, 40 азæй фылдæр. Ирыстоны Олимпаг хъæзтыты фыццаг уæлахиздзау Андиаты Сосланы номыл турнир фыццаг хатт уыд 1978 азы. Уæд уыцы фæнд бахастой спортивон æхсæнад «Динамо»-йы кусджытæ. Уæлахиздзауты схорзæхджын кæндзысты зæрдылдарæн лæвæрттæй æмæ æхцайы фæрæзтæй дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv