Дмитрий Димитров ахуыр кæны ирон æвзаг
Хъæлдзæгæй æмæ ныфсджынæй ирон æвзаджы фыццаг къахдзæфтæ акодта уырыссаг лæппу Дмитрий Димитров. Ныр цалдæр азы цæры Ирыстоны. Йæ зæрдæмæ цæуы канд бынат нæ, фæлæ ма ирон адæмы культурæ, традицитæ, цардыуаг æмæ, æнæмæнг, ирон æвзаг. Дмитрий æнтыстджынæй бацархайдта телекомпани "Осетия-Ирыстон"-ы проект "Æнцон ирон"-ы. Ирыстоны Дмитрий йæхицæн бирæ æмбæлттæ ссардта. Уыдонимæ арæх вæййы Ирыстоны хæхты. Йæхæдæг куыд зæгъы, афтæмæй сæ 3 азмæ нæма бафсæст. Уæвгæ йæ Ирыстон йæхимæ лвæста хæхты тыххæй. Æмæ сæ фыццаг хатт куы федта, уæд æй фæстæмæ ацæуын нал бафæндыд. Ныр архайы туризм æмæ альпинизмы. Йæхицæн уайтагъд ссардта куысты бынат дæр. Санкт-Петербургы æфсæддон-космосон академийы рауагъдон ныр у нæ телекомпанийы звукорежиссер. Йе 'мкусджытимæ дæр Дмитрий у тынг лымæн. Семæ фæдзуры, æнæмæнг иронау. Ирон æвзаг æнцон ахуыр кæнæн нæу, зæгъы Димитрий. Фæлæ уымæй ноджы цымыдисаг дæр у. Архайы, йæхиуыл кусы, кæсы ирон чингуытæ, фæнды йæ ирон адæмы 'хсæн цæрын, не 'взагæн нын кад кæнын. Ирон музыкалон культурæйы иу - хуыз та Дмитрийæн сси уæлдай уарзон. Ныртæккæ цæттæ кæны кавказаг фолк-музыкæйы фестиваль. Йæ сæргонд - "Цыма хион", зæгъгæ. Архайдзысты дзы алыхуызон музыканттæ æмæ сфæлдыстадон къордтæ национ инструменнталон музыкæ чи цæгъды, ахæмтæ. Æнæмæнг фестивалы зæлдзæн ирон аив дзырд дæр.
Хъæлдзæгæй æмæ ныфсджынæй ирон æвзаджы фыццаг къахдзæфтæ акодта уырыссаг лæппу Дмитрий Димитров. Ныр цалдæр азы цæры Ирыстоны. Йæ зæрдæмæ цæуы канд бынат нæ, фæлæ ма ирон адæмы культурæ, традицитæ, цардыуаг æмæ, æнæмæнг, ирон æвзаг. Дмитрий æнтыстджынæй бацархайдта телекомпани "Осетия-Ирыстон"-ы проект "Æнцон ирон"-ы. Ирыстоны Дмитрий йæхицæн бирæ æмбæлттæ ссардта. Уыдонимæ арæх вæййы Ирыстоны хæхты. Йæхæдæг куыд зæгъы, афтæмæй сæ 3 азмæ нæма бафсæст. Уæвгæ йæ Ирыстон йæхимæ лвæста хæхты тыххæй. Æмæ сæ фыццаг хатт куы федта, уæд æй фæстæмæ ацæуын нал бафæндыд. Ныр архайы туризм æмæ альпинизмы. Йæхицæн уайтагъд ссардта куысты бынат дæр. Санкт-Петербургы æфсæддон-космосон академийы рауагъдон ныр у нæ телекомпанийы звукорежиссер. Йе 'мкусджытимæ дæр Дмитрий у тынг лымæн. Семæ фæдзуры, æнæмæнг иронау. Ирон æвзаг æнцон ахуыр кæнæн нæу, зæгъы Димитрий. Фæлæ уымæй ноджы цымыдисаг дæр у. Архайы, йæхиуыл кусы, кæсы ирон чингуытæ, фæнды йæ ирон адæмы 'хсæн цæрын, не 'взагæн нын кад кæнын. Ирон музыкалон культурæйы иу - хуыз та Дмитрийæн сси уæлдай уарзон. Ныртæккæ цæттæ кæны кавказаг фолк-музыкæйы фестиваль. Йæ сæргонд - "Цыма хион", зæгъгæ. Архайдзысты дзы алыхуызон музыканттæ æмæ сфæлдыстадон къордтæ национ инструменнталон музыкæ чи цæгъды, ахæмтæ. Æнæмæнг фестивалы зæлдзæн ирон аив дзырд дæр.