Дзæуджыхъæуы уыд Дедегкаты Тазреты номыл 10-æм республикон наукон-иртасæн конкурс

Цæгат Кавказы хæххон металлургон институты райдыдта Дедегкаты Тазреты номыл 10-æм республикон наукон-иртасæн конкурс. Сæ куыстытæ адæмы размæ рахастой Цæгат Кавказы хæххон-металлургон институты æмæ Цæгат Ирыстоны Хетæгкаты Къостайы номыл паддзахадон университеты студенттæ. Сæхи фæлтæрдтой æртæ номинацийы: «Электроника», «Информатика» æмæ «Физикæ»-йы. Конкурсы нысан у студенттæн се сфæлдыстадон курдиат рабæрæг кæнын æмæ сæ наукон-иртасæн куыстмæ разæнгард кæнын. Ацы аз дзы архайдтой 100 адæймагмæ `ввахс. Уæлахиздзауæн ратдзысты æхцайы премитæ. Йæ бæрц цæсты ахады - 50 мин сомы. Дыккаг æмæ æртыкаг бынæттæн - фæйнæ 30 æмæ 20 мин сомы. Преми райсыны конкурс у республикон. Аразджытæ куыд зæгъынц, афтæмæй конкурс хæстæгдæр рæстæг суыдзæн регионалон. Фыццаг хатт та йæ сарæзтой 2010-æм азы, Дедегкаты Алыксандры хъæппæрисæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv