Дзæуджыхъæуы уыд культурæйы кусджыты æппæтуæрæсеон профцæдисы цæгатирыстойнаг комитеты æмбырд
Культурæйы кусджыты æппæтуæрæсеон профцæдис бæрæг кæны йæ равзæрды 70 аз. Регионалон хайады скодтой ивгъуыд азы архайдæн хатдзæгтæ æмæ радзырдтой историйы тыххæй. Мадзал ацыд Хетæгкаты Къостайы номыл фæсивæдон центры. Культурæйы кусджыты иугонд профцæдис фæзынд 1953 азы. Йæ сæйрагдæр хæс у кусджыты мызд æмæ фæллойы уавæртæ хуыздæр кæнын. Æнæзакъонæй æфхæрд чи цæуы, уыдоны бартæ барадон хуызы хъахъхъæнын æмæ сын куыстдæттыны фарстатæм æргом здахын. Æмбырды фæлгæты схорзæх кодтой хуыздæр кусджыты æмæ спартакиадæйы уæлахиздзауты.