6 скъоладзауы Цæгат Ирыстонæй абалц кодтой Æппæтадæмон кейс чепионатмæ

6 скъоладзауы Цæгат Ирыстонæй абалц кодтой Æппæтадæмон кейс-чепионатмæ. Цæуы Севастополы. Нæ республикæйы минæвæрттæ сты проектон скъола «Зонд»-ы архайджытæ.  Уый куыста августы мæйы, Дзæуджыхъæуы. Йæ ахуырдзаутæн фадат разынд ахæм егъау мадзалы бацархайын. Рауагъдонтæ æгас Уæрæсейæ æмгуыст кæндзысты «Фæсивæдон инновациты кампус»-ы. Скъола «Зонд» куыста сывæллæтты технопарк Кванториумы бындуры.  Йæ архайджытæ хъуыды кодтой туризмы къабазы рæзты фарстатыл. Цы 5 къорды дзы уыди, уыдонæн сæ хуыздæрты равзæрстой æмæ сæ арвыстой ерысты уæлдæр къæпхæнмæ. Уым æндæр ахæм архайджытимæ кусдзысты горæт Севастополы рæзтыл. Хъуамæ æрхъуыды кæной алыхуызон проекттæ æмæ сæ сæххæст кæной. Се`схæн «умный город» кæй хонынц, уый, горæты æдас цардыуаг, æрдзон иртæстытæ, туристты нымæц фылдæр кæныны мадзæлттæ, æнæниздзинад æмæ ахуырады фарстатæ. Гуыцмæзты Андрей æмæ Остъаты Сæрмæт Хуссар Ирыстонæй равдисдзысты мобилон уæлæфтуан туристтæн пайда чи уыдзæн, ахæм. Иннæ та æххуыс уыдзæн алыхуызон зайæгойтæ æмæ сырдтæ телефонæй иртасынæн. Зассеты Максим та бацæттæ кодта роботизацигонд урнæ.  Скъоладзаутимæ цы ахуыргæнджытæ ацыдысты, уыдон дæр архайдзысты хицæн программæмæ гæсгæ сæ фæлтæрддзинад бæрзонддæр кæныныл. Уæ зæрдыл уын æрлæууын кæндзыстæм, Æппæтадæмон чемпионат «Фæсивæдон инновациты кампус» æххæстгонд цæуы национ проектты фæлгæты «Образование» æмæ «Нымæцон Экономикæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv