Цæгат Ирыстоны рауагътой ног уырыссаг ирон дзырдуат сывæллæттæн

Цæгат Ирыстоны рауагътой ног уырыссаг-ирон дзырдуат сывæллæттæн. Сæ бон дзы уыдзæн, нывтæм кæсгæйæ, ирон æвзаг æнцондæрæй ахуыр кæнын. Ахæм лæвар сын скодта рауагъдад «СЕМ». Бафæндыд сæ, цæмæй республикæйы скъоладзаутæн ирон ныхæстæ æнцондæр бамбарæн уа. Ахæм хъуыддаг пайдайаг кæй у, уый бирæтæ зонынц. Сæйраг редакторы ныхæстæм гæсгæ, 2 азы размæ скъолайы ахуыргæнджытæ балæвæрдтой нывтимæ абетæ рауадзыны курдиат. Дзырдуаты алы сыфыл дæр - ирд ахорæнтæй конд нывæфтыдтæ, дамгъæтæ æмæ дзырдтæ. Фыццаг сыфыл та - аив дамгъуат. Чиныгыл рауагъдад «СЕМ» 2 азы куыста. Ахуыргæнджыты зæрдæмæ фæцыд. Дзырдуæттæ тæрхæджытыл фæзындзысты ацы мæй. Йæ тираж у 1 мин экземпляры, йæ аргъ та - 400 сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv