Цæгат Ирыстонмæ сластой туаггуыры 105 концентраторы

Цæгат Ирыстонмæ сластой туаггуыры 105 концентраторы. Техникæйæ пайда кæндзысты коронавирусæй рынчынты дзæбæхгæнгæйæ. Республикæйы æнæниздзинад хъахъхъæнынады министрадæй куыд хъуысын кæнынц, афтæмæй сæ байуардзысты Республикон клиникон рынчындон, Æрыдоны, Мæздæджы, Рахизфарсы æмæ Горæтгæрон районты дзæбæхгæнæдæттыл, стæй Архонкæйы æмæ Тагъд æххуысы клиникон рынчындæттыл. Профилон министры хæстæ рæстæгмæ æххæстгæнæг Тебиаты Сослан куыд фæнысан кодта, афтæмæй концентраторты руаджы туаггуыры стационарон системæты куыст фæрогдæр уыдзæн. Уæ зæрдыл уын æрлæууын кæндзыстæм, медицинон техникæ балхæнынæн, регионы разамонæг Сергей Меняйлойы уынаффæмæ гæсгæ, республикон бюджетæй рахай кодтой 7.5 милуан сомы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv