Кæсут æмæ хъусут!

Ныр та республикæйы сæйрагдæр спортивон цауы тыххæй. Куыд зонут, афтæмæй абон Дзæуджыхъæуы уыдзæн профессионалон боксы изæр. Рингыл тохы бацæудзысты 7 уæзы хæцæг 18 спортсмены. Æппæтадæмон турнир боксæй «Ариана бокс»-ы алы спортсмены уæз сбæрæг кодтой. Мадзал уыд ресторан «Дендрариум»-ы. Дзæуджыхъæумæ ссыдысты Китай, Украинæ æмæ Ираны богæлттæ. Алчидæр сæ равдисдзæн йæ арæхстдзинад. Сæйраг æмæ цымыдисаг тох уыдзæн ирон боксер Челæхсаты Таир æмæ украинаг спортсмен Игорь Пилипенкойы `хсæн. Ирон богæлтты тренер Сланты Виталийы ныхæстæм гæсгæ, не `мзæххонтæ иттæг хорз цæттæ сты. Профессионалон боксы изæры уазæг уыдзæн зындгонд боксер Гасситы Мурат дæр. Ерыстæм бакæсынмæ сæмбæлд Хуссар Ирыстоны делегаци дæр, йæ сæргъы Бибылты Анатолий, афтæмæй. Мадзал бабæрæг кæндзæн республикæйы сæргълæууæг Битарты Вячеслав дæр. Боксæй ерыстæ комкоммæ эфиры æвдисдзæн нæ телеканал. Райдайдзысты изæры авд сахатыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv