Æппæтадæмон проект «Осетинская диаспора On-Line»-зæгъгæ, арæзт æрцыдис Цæгат Ирыстоны

Æппæтадæмон проект «Осетинская диаспора On-Line»-зæгъгæ, арæзт æрцыдис Цæгат Ирыстоны национ ахастдзинæдты фарстаты фæдыл министрады хъæппæрисæй. Уый у комкоммæ бастдзинад ирон диаспорæты минæвæрттимæ. Онлайн конференцийы хуызы архайджытæ дзырдтой афæдзы дæргъы ирон диаспорæты 'хсæн цы мадзæлттæ арæзтой, уыдоны тыххæй. Уымæй уæлдай ма, ныхас кодтой фидæны пълæнттыл дæр. Сæйрагдæр фарстатæ баст уыдысты ныридæгæн нæ республикæ ирон диаспорæтимæ цавæр куыст кæны, уыимæ. Видеоконференцийы архайджытæ дзырдтой Турци, Бельги, Казахстан, Мæскуы, Санкт-Петербург, Хъырым æмæ Хъæрæсе-Черкесы республикæимæ. Æмбырды архайдтой республикæйы национ ахастдзинæдты министр Цуциты Аслан, Хæлардзинады хæдзары директор Кочиты Георгий, Æппæтадæмон змæлд «Иры Стыр Ныхас»-ы сæргълæууæг Кучиты Руслан æмæ иннæтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv