Республикæйы фаг нæй инфекцион стационартæ цæрæгойтæн
Гæдыйы лæппын Тихон рахауд æртыккаг уæладзыгæй æмæ йæ фæстаг дзæмбы асаст. Сæрмагонд пластинæйыл сæвæрдтой æмæ хæстæгдæр рæстæг бинонты чысыл хæлар йæ хæдзар ссардзæн. Ныртæккæ йæ рæстæгмæ ныууагътой клиникæйы стационары. Цæрæгойы æнæниздзинады уавæрмæ æппынæдзух кæсын хъæуы. Специалисттæ куыд зæгъынц, афтæмæй нæ республикæйы æнæхæдзар цæрæгойты уавæр уæзза у. Приютты уæгъд бынæттæ нæй. Цæмæй дзæгъæл куыйтæ ма бирæ кæной æмæ адæммæ ма лæбурой, уый тыххæй сæ хъæуы стерилизаци кæнын. Процедурæ æнæзиан у. Специалисттæ дзæбæх скæндзысты, фæлæ сын хорз хицау ссарын алкæд къухы нæ бафты. Ветеринар Хъарданты Батраз куыд зæгъы, афтæмæй цæрæгойтæй иу хæдзар куы ссары, уæддæр сын æхсызгон вæййы. Аиуварсгæнинаг фарста ма цыппæркъахыгты ам клиникæйы дарын. Уый фадат сын нæй. Бынат нæ фаг кæны. Фæлæ баххуыс кæнын та фæфæнды, уæлдайдæр инфекцион низтимæ цæрæгойтæн. Æххуысы къух бадарынц зæрдæхæлар адæм. Цæрæгойты сæхимæ ныууадзынц. Фæлæ уый дæр лæвар нæу. Хицæн адæймæгты арæх бахъæуы цæрæгойты дохтырмæ ласын, зилын сæм. Клиникæйы фæнды хицæнæй инфекцион стационар байгом кæнын, ныр архайынц сæ уавæртæ куыд амонынц, афтæ. Рæстæмбис нымадмæ гæсгæ сдзæбæх кæнынмæ бахъæуы 2 минæй 10 мин сомы онг. Ныртæккæ, хъыгагæн, ахæм уавæртæ нæй. Фæлæ специалисттæ зæрдæ дарынц, фарста кæд æххæстæй нæ, уæддæр кæд иуварсгонд æрцæуид. Ныр та уал цæрæгойты дарынц ам, арæх социалон хызæгты уылты фæсидынц æххуысмæ,сæмбырд кæнынц фæрæзтæ. Кæд æппынæдзух нæ, уæддæр сын хæрзгæнджытæ разыны.
Гæдыйы лæппын Тихон рахауд æртыккаг уæладзыгæй æмæ йæ фæстаг дзæмбы асаст. Сæрмагонд пластинæйыл сæвæрдтой æмæ хæстæгдæр рæстæг бинонты чысыл хæлар йæ хæдзар ссардзæн. Ныртæккæ йæ рæстæгмæ ныууагътой клиникæйы стационары. Цæрæгойы æнæниздзинады уавæрмæ æппынæдзух кæсын хъæуы. Специалисттæ куыд зæгъынц, афтæмæй нæ республикæйы æнæхæдзар цæрæгойты уавæр уæзза у. Приютты уæгъд бынæттæ нæй. Цæмæй дзæгъæл куыйтæ ма бирæ кæной æмæ адæммæ ма лæбурой, уый тыххæй сæ хъæуы стерилизаци кæнын. Процедурæ æнæзиан у. Специалисттæ дзæбæх скæндзысты, фæлæ сын хорз хицау ссарын алкæд къухы нæ бафты. Ветеринар Хъарданты Батраз куыд зæгъы, афтæмæй цæрæгойтæй иу хæдзар куы ссары, уæддæр сын æхсызгон вæййы. Аиуварсгæнинаг фарста ма цыппæркъахыгты ам клиникæйы дарын. Уый фадат сын нæй. Бынат нæ фаг кæны. Фæлæ баххуыс кæнын та фæфæнды, уæлдайдæр инфекцион низтимæ цæрæгойтæн. Æххуысы къух бадарынц зæрдæхæлар адæм. Цæрæгойты сæхимæ ныууадзынц. Фæлæ уый дæр лæвар нæу. Хицæн адæймæгты арæх бахъæуы цæрæгойты дохтырмæ ласын, зилын сæм. Клиникæйы фæнды хицæнæй инфекцион стационар байгом кæнын, ныр архайынц сæ уавæртæ куыд амонынц, афтæ. Рæстæмбис нымадмæ гæсгæ сдзæбæх кæнынмæ бахъæуы 2 минæй 10 мин сомы онг. Ныртæккæ, хъыгагæн, ахæм уавæртæ нæй. Фæлæ специалисттæ зæрдæ дарынц, фарста кæд æххæстæй нæ, уæддæр кæд иуварсгонд æрцæуид. Ныр та уал цæрæгойты дарынц ам, арæх социалон хызæгты уылты фæсидынц æххуысмæ,сæмбырд кæнынц фæрæзтæ. Кæд æппынæдзух нæ, уæддæр сын хæрзгæнджытæ разыны.