Дохтыры хæслæвæрдтæ æмæ пациенты домæнтæ кæрæдзиимæ баиу кæнын

Дохтыры хæслæвæрдтæ æмæ пациенты домæнтæ кæрæдзиимæ баиу кæнын æмæ уыцы бастдзинады фæрцы ацы къабазы æнтыстджын куыст рацаразын. Ахæм темæимæ лекци сарæзтой Дзæуджыхъæуы. Архайджыты æхсæн уыдысты медицинон организациты разамонджытæ, æнæмæнг медицинон фæдзæхстады территориалон фонды кусджытæ æмæ æнæниздзинад хъахъхъæнынады министрады минæвæрттæ. Йæ раныхасимæ радзырдта медицинон наукæты доктор, Уæрæсейы пациентты бартæ хъахъхъæныны æхсæнадон организациты советы уæнг Алексей Старченко. Ныхас цыд, æнæмæнг медицинон фæдзæхстады полисы 'руаджы цы лæггæдтæ райсæн ис, ууыл. Стæй ма æрдзырдтой фæдзæхстадон компани цæрджыты бартæ куыд хъахъхъæны, ууыл дæр. Æмткæй райсгæйæ, æрлæууыдысты медицинон æххуыс аразгæйæ цы цæлхдуртæ фæзыны æмæ рынчынты æдасдзинадыл. Алексей Старченко куыд фæбæрæг кодта, афтæмæй уыцы хæстæ æххæст кæнын хъуамæ уа раззагдæр нысан.