Куыстдæттыны æппæтуæрæсеон армукъайы фæлгæты Хæххон паддзахадон аграрон университеты студенттæн

Куыстдæттыны æппæтуæрæсеон армукъайы фæлгæты Хæххон паддзахадон аграрон университеты студенттæн сарæзтой экскурси дзидзайы куыстгæнæн цехы. Равдыстой сын къалбасы продукцийы кондады æппæт къæпхæнтæ. Уымæй уæлдай ма сын радзырдтой ацы куысты раззагдæр суæвыны фадæтты тыххæй. Специалистты хъуыдымæ гæсгæ, ахæм профориентацион мадзæлтты 'руаджы фæсивæд разæнгард кæнынц кусынмæ. Уæлдæр ахуыргæнæндон фæугæйæ, рауагъдонтæ зондзысты сæ дæсныйад хъæугæ кæм у, стæй сæ теоретикон зонындзинæдтæй практикæйы спайда кæнын сæ бон кæм у, ахæм бынæттæ.