Хъæбатыры номыл

Дзæуджыхъæуы афицерты хæдзары абон æрхъуыды кодтой Уæрæсейы хъæбатыр, инæлар-булкъон Геннадий Трошевы. Минут æдзæмæй алæугæйæ йын ссардтой йæ рухс ном. 58-æм æфсады камандыгæнджытæн æаæ разамындæн, æфсæддонтæн, суворовонтæн, уацхæсджытæн æмæ студенттæн равдыстой хъæбатырыл ист документалон киноныв. Æрхъуды кодтой кæм службæ кодта, йе сгуыхтдзинæдтæ, цы цауты архайдта, уыдон. Мысæн мадзалы рæстæг ма уыд Геннадий Трошевыл фыст чиныджы презентаци. Ныффыста йæ æфсæддон уацхæссæг Геннадий Алехин. 12 азы куыстой иумæ æмæ бирæ хæттыты æвдисæн уыд йæ лæгдзинадæн. Геннадий Алехин : «Уыцы амонд мæ фæци æмæ зыдтой, стæй иумæ куыстам Геннадий Трошевимæ. Алыхуыон уавæрты йæ уыдтон. 58-æм фæсадæн командыгæнæн куы уыд. Цæгат Кавказы федералон зылды æфсæдтæн разамынд куы лæвæрдта -кæддæриддæр се ппæтæн фæзминаг уыд. Бирæтæ йæ сæхицæн дæнцæгыл нымадтой. Уый та иу кæддæриддæр хъуыд кодта адæмыл. Йæ боны чи уыд, уыдоны уавæртæ æмæ уаргъ фæхуыздæр æмæ фенцондæр кæныныл». _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv