Цæгат Ирыстоны фысымуæтты уæгъд бынæтты нымæц къаддæр кæны

Цæгат Ирыстоны фысымуæтты уæгъд бынæтты нымæц къаддæр кæны. Уый тыххæй хъусын кæны республикæйы нацбанк. Зæгъæм, майы бæрæгбæттæм фысымуæттæ дзаг сты 90% онг. Уый, фаронимæ абаргæйæ, у 40% фылдæр. Туризмы комитеты бæрæггæнæнтæм гæсгæ, январы æмæ февралы нæ республикæмæ æрбацыд 170 мин адæймаджы, кæд æмæ æнæхъæн азмæ фарон уыцы нымæц равдыста 750 мин адæймаджы. Фылдæр кæнынц, аттестаци чи ацыд, уыцы гидтæ æмæ экскурсоводтæ. Лицензи райстой 40 адæймаджы. Сæрды размæ базмæлыдысты фысымуæтты хицæуттæ дæр. Кæд фарон уыдысты 42 отелы, уæд ныр 48 баисты. Се ппæтæн дæр фадат уыдзæн паддзахадон программæты архайын, уыимæ льготон кредиттæ æмæ субсидитæ исын.