Уæззау хабар. 9-æм майы изæрæй йæ цардæй ахицæн не 'мкусæг - кинооператор, кинорежиссер, сценарист æмæ продюсер Цориты Султан. Йæ цард ӕнӕхъӕнӕй баст уыд кинематографимæ. Каст фæци кинематографийы æппæтуæрæсейон паддзахадон институты операторы факультет. Уыимæ ма режиссеры дæсныйады факультеты цыбыр курс дæр фæци. Бирæ азты æмгуыст кодта Цæгат Кавказы кинохроникæйы студиимæ. Уæрæсейы Федерацийы культурæйы сгуыхт кусæг, Цæгат Ирыстоны аивæдты сгуыхт кусæг, Хетæгкаты Къостайы номыл паддзахадон премийы лауреат Цориты Султаныл цыд 78 азы.