95 млрд сомæй фылдæр рахай кæндзысты Уæрæсейы регионты медицинон объектты арæзтадтæн

295 милуан сомæй фылдæр Уæрæсейы хицауад рахай кæндзæн, цæмæй Дзæуджыхъæуы саразой сывæллæтты поликлиникæ, Сывæллæтты Республикон Клиникон Рынчындоны та цæмæй соматикон корпус рацаразой. Уый тыххæй бардзырд бафыста Уæрæсейы Хицауады сæрдар Дмитрий Медведев. Ног дзæбæхгæнæндон фæзындзæн раздæры инфекцион рынчындоны бынаты. Уыцы-иу рæстæг дзы æххуыс райсæн уыдзæн 150 пациентæн. Æппæт хæрдзтæ дæр баххæст кæндзысты «Æнæниздзинад хъахъхъæныны» паддзахадон программæйы руаджы. Аххæсдзæн Уæрæсейы 46 субъектыл. Ацы аз программæйы райрæзтæн рахай кæндзысты 35 млрд сомы. 2021-æм азы - 29 млрд сомæй фылдæр, 2022-æм азы та - 30 млрд æмæ 500 милуан сомы. Нысангонд хыгъдмæ цы медицинон объекттæ бахастой, уыдонæн æмткæй райсæгæйæ, радих кæндзысты 95 млРд сомæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv