Æлбегаты Георгийы концерт

Паддзахадон филармонийы арæзт æрцыд симфонион оркестры концерт. Разамынд ын лæвæрдта Санкт-Петербурджы консерваторийы студент, не 'мбæстаг Æлбегаты Георгий. Бирæ ныфсытæ бæттынц йемæ, сфæлдыстадон куыстмæ æмхиц кæй у, уый тыххæй. Раздæр ахуыр кодта Дзæуджыхъæуы сывæллæтты хоры скъолайы. Йæ зондамонæг уыд аивæдты сгуыхт архайæг Хосроты Тамерлан. Уый схъомыл кодта бирæ курдиатджын музыкантты. Се ’хсæн — Зæнджиаты Тимур, Тедеты Хетæг æмæ Муриты Данæ. Концерты репертуары классикæ ацæгъдынмæ Æлбегаты Георгий æрбахуыдта зындгонд виолончелист Иван Сандецкийы. Аивадуарзджытæ байхъуыстой Чайковский, Брамс æмæ Шуберты уацмыстæм. Сæ нæмттæ канд Уæрæсейыл нæ, фæлæ ма æнæхъæн дунейы кæмæн айхъуыстысты, уыцы курдиатджын музыкантты та Дзæуджыхъæумæ `рбахондзысты фæстæдæр. Ахæм фæнд ис Филармонийы кусджытæм. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv