Ног разамонæг

Быгъуылты Владимиры снысан кодтой Уæрæсейы юстицийы министрады Цæгат Ирыстоны управленийы сæргълæууæгæй. Уагдоны кусджыты сæ ног разамонæгимæ базонгæ кодтой Республикæйы сæргълæууæг Битарты Вячеслав æмæ юстицийы министрады Стъараполы крайы паддзахадон управленийы сæргълæууæг Галина Морозова. Уазæджы ныхæстæм гæсгæ, закъон æмæ республикæйы цæрджыты бартæ бахъахъхъæныны куыст Быгъуылы-фырт æнтыстджынæй кæндзæн. Зæгъын хъæуы уый, æмæ ног разамонæджы фæллойадон биографи баст у Уæрæсейы мидхъуыддæгты министрады центрон аппараты куыстимæ. Уымæй размæ та уыд республикæйы сæргълæууæджы уынаффæгæнæг. Арфæйы ныхæстæ Быгъуылты Владимирæн ракодта Битарты Вячеслав дæр. Уый ма бафиппайдта, юстицийы министрады кусджытæ разамонæг равзарыны тыххæй стыр куыст кæй бакодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv