Цæгат Ирыстоны бæрæг кæнынц уæлæмхасæн ахуырады хуыздæр педагогы
«Мæ зæрдæ лæвар кæнын сывæллæттæн» - Цæгат Ирыстоны сбæлвырд кæндзысты уæлæмхасæн ахуырады хуыздæр ахуыргæнджыты. Конкурс байгом кæныны кадджын мадзалы архайдта ахуырад æмæ наукæйы министр Алыбегты Эллæ. Сæйраг нысан – дæсныйады кад фæуæлдæр кæнын, курдиатджын педагогты сбæрæг кæнын æмæ сæм фæкæсын. Архайджытæ ерыс кæнынц 7 номинацийы: аивадон, æрдззонæн, техникон, туристон-бæстæзонæн, физкультурон-спортивнон, социалон-педагогон æмæ профессионалон дебюты. Дыууæ боны дæргъы ахуыргæнджыты хъæуы бахъахъхъæнын уæлæмхасæн ахуырады программæ, саразын дæсныйадæвдисæн ахуыртæ, авторон эссе, стæй хи тыххæй бæлвырд радзурын. Уæлахиздзаутæ республикæйы номæй архайдзысты æппæтуæрæсеон æркасты.