Уæрæсейы Хицауад кусы 2035 æм азмæ туризмы рæзты стратегийы 1

Туризмы федералон агентады сæргълæууæг Дыгъуызты Зæринæ архайдта Уæрæсейы 2035-æм азмæ туризмы рæзты стратегийы фæдыл æмбырды. Амыдта йæ нæ бæстæйы премьер-министр Дмитрий Медведев. Хицауады пресс-службæйæ куыд хъусын кæнынц, афтæмæй стратегийы проекты ныхас цæуы къабазы комплексон рæзты, стæй сæйраг æмæ регионалон туристон бæстыхæйтты къæпхæнгай куыст саразыны тыххæй. Документы сæйраг хæс у бæстæйы мидæг туризм банывыл кæнын, стæй нæм фæсарæнтæй туристтæ цæмæй цæуой, ахæм уавæртæ саразын. Пресс-службæйы куыд фæбæрæг кодтой, афтæмæй уый тыххæй хъæуы лæггæдты хæрзхъæддзинад фæхуыздæр кæнын, хъуамæ фæахадгæдæр уа къабазы инвестицион бакаст æмæ регионты туристон авналæнтæ. Æмбырды ма архайдтой бæстæйы финансты министр Антон Силуанов, вице-премьер Ольга Голодец, Дард Хурыскæсæн æмæ Арктикæйы рæзты министр Александр Козлов, спорты министр Павел Колобков æмæ экономикон рæзты министр Максим Орешкин. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv