"Нохчийн меттан тоьлла хьехархо-2022" конкурсан рогIера "Урок"

"Нохчийн меттан тоьлла хьехархо-2022" конкурсан рогIера "Урок" тlедиллар дIадаьхьира Соьлжа-Гlалин №8 йолчу ишколехь. Конкурсан декъахоша тергамхойн кхеле йехкира нохчийн меттан, литературин йиллина урокаш. И болх дIабахьа аьтто а бина, деза хьеший дарца тхо тIеэцначу ишколин куьйгалхочунна Халадова Розина а, цуьнан гlоьнча хилла лаьттинчу Джамиева Сахьабатна а, хьехархошна а даггара баркалла! Къаьсттина баркалла ала лаьа шайн хаарш гайтарца массо урокашкахь жигара дакъалаьцначу Соьлжа-Гlалин №8 йолчу ишколин дешархошна а! Дала тlаьхье беркате йойла! Дала вешан меттан сий-ларам барца кхиамашкахь садохийла вай!