Паддзахадон автоинспекцийы кусджытæ сарæзтой рейд

Мæздæджы районы пъæлицæйы кусджытæ сарæзтой профилактикон мадзал. Йæ сæйраг нысан цæстфæлдахæн митæ чи аразы, уыдоны сбæрæг кæнын. Мадзалы фæлгæты, бынæттон цæрджытæн æмбарын кодтой цæстфæлдахджытæ цавæр гæды митæй фæпайда кæнынц, уый. Фыдгæнджытæ арæх кары адæммæ æрбарвитынц хъусынгæнинаг, уæ бинойнаг фыдбылызы бахауд æмæ йæ хъæуы æхцайы фæрæзтæ, зæгъгæ. Мидхъуыддæгты министрады кусджытæ адæммæ сидынц цæмæй ахæм уавæры куы бхауой, уæд тагъд ма кæной. Фыццаджыдæр сбæрæг кæнын хъæуы уыцы хъусынгæнинаг раст у æви нæ, уый. 2019 азы фыццаг æхсæз мæйы хатдзæгтæм гæсгæ, цæстфæлдахджыты митæй фылдæр æфхæрд баййафтой кары адæм. Уымæ гæсгæ, профилактикон мадзалы архайынц постхæсджытæ, социалон службæйы æмæ банчы кусджытæ. Цæстфæлдахсджыты азары куы бахауат уæд уæхи ма стыхсын кæнут. Фыццаджылæр сбæлвырд кæнут æцæгдæр уæ бинойнаг фыдбылызы бахауд æви нæ. Уый фæстæ хъусынгæнинаджы тыххæй фæхабар кæнын хъæуы пъæлицæйы хайады кусджытæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv