Республикæйы æрмдæснытæ декоративон хуызы скæндзысты Цæгат Ирыстоны картæ

Республикæйы картæ у декоративон æрмдæсныйады куысты хуызæн. "Уарзон Ирыстон" уникалон проект рæгъмæ рахастой адæмон сфæлдыстады хæдзары æмбырды рæстæг. Мадзалы архайдтой Дзæуджыхъæуы алы районты æрмдæснытæ. Алчидæр дзы бакусдзæн йæхи хайыл. Уый фæстæ иумæйагæй сцæттæ кæндзысты Цæгат Ирыстоны картæ. Проекты хъуыдымæ гæсгæ картæ суыдзæн регионы фидауц, уый 'руаджы адæм базонгæ уыдзысты ирæтты традицитæ æмæ æгъдæуттимæ.