Цæгат Ирыстонæн чысыл модулон фысымуæтты арæзтадæн радих кодтой 333 милуан сомы

Цæгат Ирыстоны фæзындзæн чысыл модулон фысымуæттæ. Республикæ ацы аз 333 милуан сомы райста сӕ. арæзтадæн. Фæрæзтæ радих кодта Уæрæсейы хицауад. Æдæппæтæй субсидитæ райстой нæ бæстæйы 58 регионы. Се 'хсæн ис нæ республикæ дæр. Æххуысы мадзал баст у, туристтæ нæ республикæмæ фылдæр цæуын кæй райдыдтой, уыимæ. Фæлæ æрбацæуджытæн, кæм æрбынат кæной, ахæм фысымуæттæ нæй. Иннæ аз нæ регион райсдзæн ноджы 275 милуан сомы. Уæлæмхасæн фæрæзтæ радих кæныны уынаффæ рахаста нæ бæстæйы Президент июны.