Кадджын уазæг

Цæгат Ирыстоны паддзахадон медицинон академийы уыдис дунеон наукон конференци. Йæ кадджын уазæг Японийæ - Сырх Дзуары рынчындоны нейрохирургийы хайады директор Катсуми ТакизАва. Аныхас кодта Цæгат Ирыстоны специалисттимæ æмæ студенттимæ. Цы доклад бацæттæ кодта, уым ныхас цæуы шунт æвæрыны тыххæй. Дзырдæн ма зæгъæм уый дæр, æмæ Катсуми ТакизАвайæн фыццаг хатт бантыст сиамаг фазæтты адих кæнын. Уыцы хабар айхъуыст æгас дунейыл. Япойнаг профессоримæ Цæгат Ирыстонмæ æрцыд Тюмены нейрохирургийы федералон центры сæйраг дохтыр Альберт Суфианов дæр. Медицинон академийы разамынд куыд зæгъы, афтæмæй ахæм специалисттæ уазæгуаты æрцыдысты фыццаг хатт. Уыцы фадат сын фæцис республикæйы сæргълæууæг Битарты Вячеславы æххуысæй. Сæ фæлтæрддзинадæй ныр хъуамæ фæхайджын кæной бынæттон специалистты. Катсуми Такизава - сырх дзуары рынчындоны нейрохирургийы хайады директор: «Шунт æвæрыны сусæгдзинæдтæ нейрохирургийы ахуыр кæнынц Скæсæйнаг Азийы æмæ, гæнæн ис, Ирыстоны дæр парахат кæндзæн. Ам дæр ныридæгæн методикæ ахуыр кæнынц. Куы апарахат уа, уæд уæззау низтæ дзæбæх кæнын райдайдзысты. Афтæмæй Мæскуы æмæ æндæр регионтæм цæуын нал хъæудзæн. Фæнды мæ, ам цы специалисттæ ис, уыдонимæ дарддæр дæр кусын. Мæ зонындзинæдтæ сын нæ бавгъау кæндзынæн». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv