Цæгат Ирыстонмæ радон хатт ссæудзысты дохтыртæ Санкт Петербургæй

Цæгат Ирыстонмæ радон хатт ссæудзысты дохтыртæ Санкт Петербургæй. Сæрмагондæй - медицинон десант, зæгъгæ, 23-æм æй 28-æм сентябрьмæ уыдзысты нæ республикæйы, цæмæй фæкæсынцух цы рынчынтæ сты, уыдонæн баххуыс кæной. Ахæм акци аразынц «Петербурджы дохтырт - Ирыстоны», зæгъгæ, проекты фæлгæты. Уый тыххæй хъусын кæнынц нæ республикæйы национ ахастдзинæдты фарстаты фæдыл министрадæй. Дохтыртæ уыдзысты медицинæйы алы къабазы дæсны специалисттæ. Уыдон равзардзысты Санкт-Петербурджы Павловы номыл медицинон университетмæ, хъæугæ æххуыс райсынмæ чи ацæудзæн, уыдоны. Дохтыртæ сæ исæнуæттæ байгом кæндзысты Дзæуджыхъæуы, Алагиры, Цыколайы æмæ Октябрскæйы хъæуы. Сæрмагонд проект «Петербурджы дохтырт - Ирыстоны» æххæстгонд цæуы нæ республикæйы хицауад æмæ Санкт Петербурджы ирон диаспорæйы хъæппæрисæй. Ахæм хæрзаудæн акци кæнынц 4-æм хатт. Уæдмæ хъæугæ медицинон æххуыс райстой 5 мин адæймагæй фылдæр. 1 мин æмæ 300 адæймаджы аластой Санкт Петербургмæ дзæбæх кæнынмæ, 969-æн æнтыстджынæй сарæзтой опреацитæ. Ацы аз дæр, куыд раздæрау, афтæ дохтырты æххуыс уыдзæн лæвар. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv