Цæгат Ирыстон архайы инвестицион форум «Сочи 2019» ы

Цæгат Ирыстон йæ проекттæ æвдисы инвестицион форум «Сочи-2019»-ы. Абон æй официалон æгъдауæй байгом кодтой. Уыдзæн 2 боны. Нæ республикæйы стенд абон федта Уæрæсейы премьер министр Дмитрий Медведев. Хицауады сæрдары базонгæ кодтой нæ республикæ цæмæй хъæздыг у, уыимæ. Æдæппæтæй нæм ис 32 проекты. Хауынц алыхуызон къабæзтæм. Сæ фылдæр хай сты хъæууон хæдзарад, промышленность æмæ туризмимæ баст. Нæ республикæ бацæттæ кодта комплекс Мамысоны проект дæр. Уымæ гæсгæ арæзт æрцæудзæн туристон инфраструктурæ. Уыдзæн дзы улæфынæн алы фадат дæр афæдзы алы рæстæг. Дзуапп дæтдзæн æппæтдунейон домæнтæн. Нæ республикæйы стенд ма федта Цæгат Кавказы хъуыддæгты фæдыл министр Сергей Чеботарев дæр. Уыимæ ма нæ республикæйы сæргълæууæг Битарты Вячеслав архайдта Уæрæсейы субъектты хсæн электрон тыгъдады комплексы рæзты фарстаты фæдыл æмбырды. Амыдта йæ Уæрæсейы энергетикæйы министр Александр Новак. Бафтаудзыстæм ма уый, æмæ нæ республикæмæ ацы форумы стыр пълæнттæ ис. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv