Цæгат Ирыстоны чызджыты футбол парахат кæны
Райдиан цæттæдзинады къордæн сæ ахуыр райдайы эстафетæйæ. Сывæллæтты фæллайын кæнæн нæй. Ахæм хуымæтæг конкурстæ та ахуыр кæнынц сæйрагдæрыл. Командæйы уæлахизæн тыхтæ ма æвгъау кæнын. Ацы спорты сæйрагдæр у кæрæдзи æмбарын. Уыцы хъуыддаг кæддæриддæр чызджытæн амоны сæ тренер. Гиви Тиникашвилийы æппæты кæстæр хъомылгæнинæгтыл цæуы æрмæст 6 азы. Фæлæ хистæр къорды архайджытæй æвзæрдæр нæ хъазынц. Кæрæдзи ивынц алы 5 минут. Коллективы ахсджиагдæр у капитаны архайд. Спортивон скъола "Юность"-ы чызджытæ тренировка кæнынц къуыри æртæ хатты, сахаты бæрц. Алы хуыцаубон дæр æмхæларон мачттæ лæппуты ныхмæ. Фæлæ, ныридæгæн æппæт хъæзтытæ дæр цæуынц Хæххон-металлургон институты. Сæхи стадион рæстæгмæ суазæг кодта "Спартак"-æй спортсменты, уыдоны стадионы ныртæккæ цæуынц цалцæггæнæн куыстытæ. Чызджыты футбол лæппуты хуызæй ницæмæй хицæн кæны. Гиви Тиникашвили куыд радзырдта, афтæмæй чызджыты уагæвæрд æмæ фæтк сты хуыздæр æмвæзадыл. Цы нысан сæвæрынц сæ размæ, уымæ тырнынц. Сæхиуыл раст цымæ ауæрдгæ дæр нæ фæкæнынц, афтæ - зæгъы тренер. Ома, уæлахизы тыххæй сæ тыхтæ не 'вгъау кæнынц. Сылгоймаджы организм у фæразондæр. Уый наукон æгъдауæй дæр сбæрæг кодтой. Фæлæ спортсменкæтæ алыхуызон фæзилæнтæ æрæгмæ дæр сахуыр кæнынц. Сафина Абрамовайыл цæуы æрмæст 8 азы. Йæ кармæ гæсгæ, аразы зын трюк. Фæлæ чызджытæ арæх сæмбæлынц психологон зындзинæдтимæ дæр. Ахсджиаг ерысты агъоммæ мидтыхст æмæ æндæр фарстатæ аиуварс кæнынæн æххуыс кæны фæлтæрдджын тренер. Гиви Тиникашвили куыд зæгъы, афтæмæй нæ республикæйы чызджыты футбол рæзы æнтыстджынæй. Спортивон скъола "Юность"-ы цы сывæллæттæ архайы, уыдоны нымæц æрвылаз рæзы. Алы адæймагæн дæр хъуамæ спорты фæлварынмæ фадат уа. Бирæ адæм æрбацæуынц, фæлæ баззайынц арæхстджындæртæ, зæгъы тренер. Сывæллон æй йæхæдæг куы бамбары футболы дарддæр йæхи уыны æви нæ, уæд дарддæр рахизынц æндæр къордмæ. Чызджыты футбол æппæт дунейы парахатдæр кæны. Уыимæ Цæгат Ирыстоны дæр. Кæй зæгъын æй хъæуы, алчи нæ бæллы зындгонд футболст суæвынмæ. Æмæ спортивон скъолайæн дæр уый сæйраг нæу, зæгъы Гиви Тиникашвили. Бирæтæ тренировкæ кæнынц се 'нæниздзинад фæхъæддых кæныны тыххæй, ног хæлæртты ссарынмæ. Афтæ сæм рæзы спортмæ уарзондзинад, кæнынц æнæниздæр æмæ фидардæр.
Райдиан цæттæдзинады къордæн сæ ахуыр райдайы эстафетæйæ. Сывæллæтты фæллайын кæнæн нæй. Ахæм хуымæтæг конкурстæ та ахуыр кæнынц сæйрагдæрыл. Командæйы уæлахизæн тыхтæ ма æвгъау кæнын. Ацы спорты сæйрагдæр у кæрæдзи æмбарын. Уыцы хъуыддаг кæддæриддæр чызджытæн амоны сæ тренер. Гиви Тиникашвилийы æппæты кæстæр хъомылгæнинæгтыл цæуы æрмæст 6 азы. Фæлæ хистæр къорды архайджытæй æвзæрдæр нæ хъазынц. Кæрæдзи ивынц алы 5 минут. Коллективы ахсджиагдæр у капитаны архайд. Спортивон скъола "Юность"-ы чызджытæ тренировка кæнынц къуыри æртæ хатты, сахаты бæрц. Алы хуыцаубон дæр æмхæларон мачттæ лæппуты ныхмæ. Фæлæ, ныридæгæн æппæт хъæзтытæ дæр цæуынц Хæххон-металлургон институты. Сæхи стадион рæстæгмæ суазæг кодта "Спартак"-æй спортсменты, уыдоны стадионы ныртæккæ цæуынц цалцæггæнæн куыстытæ. Чызджыты футбол лæппуты хуызæй ницæмæй хицæн кæны. Гиви Тиникашвили куыд радзырдта, афтæмæй чызджыты уагæвæрд æмæ фæтк сты хуыздæр æмвæзадыл. Цы нысан сæвæрынц сæ размæ, уымæ тырнынц. Сæхиуыл раст цымæ ауæрдгæ дæр нæ фæкæнынц, афтæ - зæгъы тренер. Ома, уæлахизы тыххæй сæ тыхтæ не 'вгъау кæнынц. Сылгоймаджы организм у фæразондæр. Уый наукон æгъдауæй дæр сбæрæг кодтой. Фæлæ спортсменкæтæ алыхуызон фæзилæнтæ æрæгмæ дæр сахуыр кæнынц. Сафина Абрамовайыл цæуы æрмæст 8 азы. Йæ кармæ гæсгæ, аразы зын трюк. Фæлæ чызджытæ арæх сæмбæлынц психологон зындзинæдтимæ дæр. Ахсджиаг ерысты агъоммæ мидтыхст æмæ æндæр фарстатæ аиуварс кæнынæн æххуыс кæны фæлтæрдджын тренер. Гиви Тиникашвили куыд зæгъы, афтæмæй нæ республикæйы чызджыты футбол рæзы æнтыстджынæй. Спортивон скъола "Юность"-ы цы сывæллæттæ архайы, уыдоны нымæц æрвылаз рæзы. Алы адæймагæн дæр хъуамæ спорты фæлварынмæ фадат уа. Бирæ адæм æрбацæуынц, фæлæ баззайынц арæхстджындæртæ, зæгъы тренер. Сывæллон æй йæхæдæг куы бамбары футболы дарддæр йæхи уыны æви нæ, уæд дарддæр рахизынц æндæр къордмæ. Чызджыты футбол æппæт дунейы парахатдæр кæны. Уыимæ Цæгат Ирыстоны дæр. Кæй зæгъын æй хъæуы, алчи нæ бæллы зындгонд футболст суæвынмæ. Æмæ спортивон скъолайæн дæр уый сæйраг нæу, зæгъы Гиви Тиникашвили. Бирæтæ тренировкæ кæнынц се 'нæниздзинад фæхъæддых кæныны тыххæй, ног хæлæртты ссарынмæ. Афтæ сæм рæзы спортмæ уарзондзинад, кæнынц æнæниздæр æмæ фидардæр.