Спортивон клуб «Динамо» йы ацыдис фестиваль параспортæй

Спортивон клуб «Динамо»-йы ацыдис фестиваль параспортæй. Бацархайдтой дзы, йæ æнæниздзинад хъыгдæрд кæмæн у, уыцы скъоладзаутæ. Уыдон уыдысты Дзæуджыхъæуы 14 скъола, Беслæныхъæуы 1-æм скъола, Мæздæджы интернат, нæ республикæйы спортивон скъола «Стимул»-ы ахуырдзаутæ, хъусæй æвзæр чи хъусы, уыцы интернаты ахуырдзаутæ æмæ æндæртæ. Æдæппæтæй дзы бацархайдтой 70 адæймагæй фылдæр. Конкурсы архайджытæ сæ тыхтæ бафæлвæрдтой футбол æмæ цымыдисаг хъазт «боччо»-йæ. Ацы фестиваль нæ республикæйы цæуы æрвылаз, вæййы æмæ афæдзы дæргъы цалдæр хатты дæр. Ацы аз арæзт æрцыд проект ФИФА «Футбол во имя надежды»-йы фæлгæты. Цæттæгонд та цæуынц Цæгат Ирыстойнаг инвæлидты регионалон организаци «Независимая жизнь» æмæ спортивон скъола «Стимул»-ы руаджы. Ацы конкурсмæ ма саккаг кодтой Параолимпаг спорты чемпионтæ дæр. Уыдон сты Хуыгаты Гоча, Хынцæгты Альберт, Бибылты Дмитрий æмæ Мæргъиты Георгий. Сергей Саутин, РЦИ-Аланийы регионалон æхсæнадон организаци «Независимая жизнь» сæргълæууæг: «Ацы проект Уæрæсейы фыццаг хатт фæзынд. Йæ сæйраг нысан у, цæмæй йæ æнæниздзинад хъыгдæрд кæмæн у, уыцы адæмæн фадат уа сæ спортивон æнтыстдзинæдтæ æвдисын. Уыимæ ма мах архайæм нæ республикæйы скъолатимæ дæр. Фæнды нæ, цæмæй сывæллæттæ æмхиц уой спортмæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv