Сыгъдæг сахар

Официалон бæрæггæнæнтæм гæсгæ республикæйы иу цæрæг рæстæмбисæй афæдзмæ бырон кæны 300 килограммы бæрц. Фæлæ алы адæймагмæ уыцы нымæц фылдæрæй зыны, йæ алывæрстæм куы акæсы, уæд. Сыгъдæгдзинады зиутæ бæргæ саразынц республикæйы æмæ пайда дæр сты. Фæлæ зивæггæнаг æмæ æдзæсгом адæмы аххосæй сыгъдæг уынгтæ ногæй быроны бын фæвæййынц. Ацы ныв горæты алы цæрæгæн зонгæ куыд нæ у. Быронимæ дзæкъултæ æмæ арæзтадон хауæццæгтæ адæм фæндаджы был ныууадзынц. Æдзæсгом цæрджытæ чъизи кæнынц Дзæуджыхъæуы цæсгом. Республикæйы, горæтты, уынгты санитарон уавæрмæ йæ хъус дары Дзæуджыхъæуы администраци дæр. Августы цауты номыл уынджы сæвæрдтой бырæттæн уæлæмхасæн урнæтæ æмæ контейнертæ. Бынæттон цæрджытæ хъуыддагæй разыйæ баззадысты. Фæлæ ныр администрацийы æнæпълан адæмы фæдыл уисоимæ рацу-бацу кæныныл разы нал сты. Бырон фæндаджы уæлхъус чи ныууадза, уыдоны кæндзысты ивар. Дзæуджыхъæуы Рахизфарсы префектурæйы кусджытæ хи `гъдауæй æрзылдысты кæртытыл, æмæ ног фæтк бамбарын кодтой. Горæты администраци уынгты дарддæр дæр контейнертæ æвæрдзæн. Фæлæ уыцы фыдæбонæй ницы пайда ис, адæм сыгъдæгдзинадыл сæхæдæг куы нæ бакусой, уæд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv