Бындурон цалцæджы фиддонты бæрц рæзы

Бындурон цалцæджы фиддонты бæрц рæзы. Кæд 2018 азы фиддонтæ иумæйаг бæрцæй уыдысты 24%. Уæд 2019 азы та 34% онг сырæзтысты. Хæстæгдæр рæстæг бындурон цалцæджы фиддонтæн хъуамæ баххæст кæной сæ 50%. Уый тыххæй фехъусын кодта Цæгат Ирыстоны цæрæнуæтты коммуналон хæдзарад, артаг æмæ энергетикæйы министр Тамайты Майран. Фиддонты бæрцыл кæй æфты, уый у тæрхондоны, бындурон цалцæджы фонд æмæ дзыллон информацион службæты иумæйаг куысты хатдзæг. 2019 азы тæрхондонмæ æрвыст æрцыд 5 мин курдиатæй фылдæр, æдæппæтæй 83 милуан сомæн. 2020-æм азы куыст уыдзæн егъаудæр. Бирæуæладзыгон хæдзæрттæй бындурон цалцæджы фиддонтæ пъланмæ гæсгæ чи æххæст кæны, уыцы хæдзæртты цæуынц арæзтадон куыстытæ. Нывыл кæнынц хæдзæртты æддаг бакаст дæр. Зæгъæм, ныридæгæн сног кодтой Карл Марксы номыл, Ирыстойнаг, Тельманайы номыл бирæуæладзыгон хæдзæрттæ. Уым ногæй баивтой цæрæнуæтты сæртæ, хæтæлтæ. Фиддонты бæрц куы сырæза, уæд Фонды къухы бафтдзæн фылдæр хъуыддæгтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv