3-æм сентябры райдыдта иумæйаг паддзахадон фæлварæны уæлæмхасæн рæстæг

Иумæйаг паддзахадон фæлварæн дæттыны рæстæг цæуы æнæ аиппытæй. Бæлвырддæр уырыссаг æвзаг раттынæн цы уæлæмхасæн рæстæг лæвæрд æрцыд, уый. Иумæйаг паддзахадон фæлварæн иннæ предметтæй раттæн уыдзæн 20-æм сентябры онг. Уæрæсейы уыцы фадатæй спайда кæндзысты 10 мин адæймагæй фылдæр. Нæ республикæйы сæ зонындзинæдтæ бафæлвардзысты - 173 адæймаджы, уыдонæй 34 -æй фæлварæн дæтдзысты уырыссаг æвзвгæй, 100-йæ математикæйæ, 39-æй та æндæр предметтæй. Уый тыххæй фехъусын кодта Цæгат Ирыстоны ахуырад æмæ наукæйы министрады пресс-службæ. Фæлварæн раттыны гæнæн ис, скъоладзаутæй сæрмагонд рæстæджы иумæйаг паддзахадон фæлварæн раттыны фадат кæмæн нæ фæцис, уыдонæн. Уыимæ ма æнæмæнг предметтæй æвзæр бæрæггæнæнты аххосæй ахуыры æвдисæндар чи нæ райста, уыдонæн дæр. Ивгъуыд азты рауагъдонтæй сæ бæрæггæнæнтæ фæхуыздæр кæнын кæй фæндыд, уыдоны сентябры фæлварæнмæ нæ бауагътой. Иумæйаг паддзахадон фæлварæн уырыссаг æвзагæй уыд æртыккæгæм сентябры Дзæуджыхъæуы 47-æм скъолайы. Цыд æртæ сахаты æмæ `рдæг. Уыцы рæстæджы æмгъуыдмæ хъуыд сфæлхат кæнын 27 хæслæвæрды. Фæлварæны уæлæмхасæн бонты хатдзæгтæ сбæрæг уыдзысты 18-æм сентябрмæ. Дарддæр математикæйæ фæлварæн уыдзæн 6-æм сентябры. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv