Цæгат Ирыстоны лифтытæ ногæй раивыны федералон программæ кусын райдыдта

Цæгат Ирыстоны лифтытæ ногæй раивыны федералон программæ кусын райдыдта. Хъуамæ баивой, 64 бирæуæладзыгон хæдзары заууатмæ чи æрцыд, ахæм 166 лифты Дзæуджыхъæу, Алагир æмæ Мызуры. Фыццаджыдæр, ивынц, 40 азæй фылдæр цы лифтытæ бакуыстой, уыдоны. Мызуры уал уыцы куыст фесты. Фæлæ сын се `скусынмæ нæ тагъд кæнынц. Ныридæгæн дзы цæуынц цæттæгæнæн куыстытæ. Се `скусыны размæ лифтытæ сбæрæг кæндзæн Уæрæсейы фæлхасгæнджыты разамынды сæрмагонд къамис. Уыдон бар куы радтой, уæд лифтытæй райдайдзысты пайда кæнын. Уый фæстæ хаудзысты разамынд дæттæг компанимæ. Лифтытæ эксплутацимæ раттыны фæнд кæнынц 10 майы. Хъуыддаг сырæздзæн æви нæ, уый рæстæг равдисдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv