Уæйгæнджыты сагъæс

Дзæуджыхъæуы Ленины номыл уынджы дуканиты хицæуттæ сфæдис кодтой. Сæ раздæры æрбацæуджытæн дзы машинæтыл æрлæууæнæн бар нал ис райсомы 8-æй изæры 7 сахатмæ. Ног домæн хауы фæндаджы галиуварсмæ. Паддзахадон автоинспекцийы æнхъæл уыдысты, æмæ уавæр фæндаггон змæлдыл хорзырдæм фæбæрæг уыдзæн. Куыннæ, стæй. Адæм сабухтой, не `фтиæгтæ, дам, æрцыбыр сты, нæ дзыпп сафтид. Дуканитæм æлхæнæг хæстæг нал цæуы. Не сæлдыстадон къорды уæнгтæ абалц кодтой Ленины уынгмæ æмæ уавæр сæхи цæстæй федтой. Иу 3 къуырийы размæ Ленины уынджы фæзынд ног фæндаггон нысан. Сæвæрдтой йæ, цæмæй фæндæгтыл машинæты цыд фæрогдæр уа, уый тыххæй. Растддæр зæгъгæйæ та цæмæй машинæтæ фæндаджы галиу фарс æвæрыны бар ма уа, уымæн. Фæлæ арæх куыд вæййы, афтæ ныр дæр — иу хъуыддагæй сцух у æмæ дæ иннæ йæ разæй скæндзæн. Фыццаг хъаст кæнын райдыдтой дуканиты хицæуттæ. Ома, машинæтæн æрлæууыны бар нæй æмæ сæм ничиуал цæуы. Амалхъом адæм сæ хъаст ныффыстой горæты администрацийы сæргълæууæгмæ æмæ паддзахадон автоинспекцийы разамонæгмæ дæр. Сæ къухтæ дзы бавæрдтой 120 адæймаджы. Амалхъом адæмы хъуыдымæ гæсма ма закъон халæджы машинæ аласынмæ цы эвакуатортæ æрбатæрынц, уыдон дæр фæндаджы цыдыл хуыздæрырдæм нæ фæзынынц. Фæлæ ма йæ бынтондæр æрæхгæнынц. Дуканиты хицæуттæм ис цалдæр фæндоны — зæгъæм, Горькийы уынгæй Бутырины уынджы онг Ленины уынгыл фæндаджы хай сæхгæнын. Фæлæ уый ныхмæ бар радтын фæндаджы иннæ хæйттыл машинæ æвæрынæн. Паддзахадон автоинспекцийы кусджытæ та æндæр хъуыдыйыл хæст сты — ног фæндаггон нысантæ, дам, хуыздæрырæм фæзындысты. Пъæлицæйæгты ныхæстæм гæсгæ, фæндагыл цыд фенцондæр. Æмæ дуканиты хицæуттæй курæг сты, цæмæй уавæр бамбарой. Стæй машинæ цыбыр рæстæг, цалдæр минуты, куы лæууа, уæд сæ ничи æфхæры. Уæддæр амалхъом адæмы æмæ пъæлицæйæгты ныхас кæрæдзийыл нæ бады. Дуканигæсты зæрды ис горæты разамындимæ фембæлын æмæ хуыздæр мадзæлттæ агурын. Уым æмбæлгæ уынаффæмæ куы нæ æрцæуой, уæд та æртхъирæн кæнынц ныхмæлæуддзинады акцитæ саразынæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv