Парти «Иугонд Уæрæсе»-йы ветеран Улубиаты Лидия

Парти «Иугонд Уæрæсе»-йы ветеран Улубиаты Лидия сбæрæг кодта йæ райгурæн бон. Сæххæст ыл 92 азы. Уый фæдыл æм арфæйы ныхæстимæ æрбацыдысты партийы уæнгтæ. Улубиаты Лидия бирæ азты дæргъы сыгъдæгзæрдæйæ фæлæггад кодта партийæн. Уыимæ ма дæнцæгæн хæссинаг сси йæ Райгуырæн хъæу, Бруты цæрджытæн дæр. Улубиаты Лидия æрæджы сбæрæг кодта йæ 92 азы. Йæ фарсмæ кæддæриддæр йæ бинонтæ, йæ хæстæджытæ æмæ хæлæрттæ. Фæлæ ацы аз йæ гуырæнбонмæ саггаг кодтой æнæнхъæлæджы уазджытæ. Бирæ азты дæргъы цы партийæн фæфæллой кодта, уый уæнгтæ æрцыдысты Лидияйæн арфæйы ныхæстæ ракæнынмæ. Лидия райгуырди Бруты. Бирæ рæстæг фæкуыста бынæттон посты сæргълæууæгæй. Чысыл фæстæдæр та ссис парти «Иугонд Уæрæсе»-йы уæнгтæй иу. «Парти «Иугонд Уæрæсе»-йы пресс-секретары генералон советы уæнг æмæ нæ республикæйы регионалон хайады секретары хъæппæрисæй мах абон æрбацыдыстæм, цæмæй бузныг зæгъæм нæ партийæн бирæ азты дæргъы чи фæфæллой кодта, уыцы адæймагæн. Ракодтам ын арфæйы ныхæстæ, стæй йын йæ гуырæнбоны фæдыл чысыл лæвар радтам», - парти «Иугонд Уæрæсе»-йы Цæгат-Ирыстойнаг æххæстгæнæн комитеты разамонæг Едзойты Марат. Парти «Иугонд Уæрæсе»-йы уæнгтæ иумæйагæй архайынц, цæмæй партийы хистæр кары адæм рох ма уой. Æмæ ма сын уыимæ дæттынц кады гæххæттытæ, стæй сын кæнынц зæрдылдарæн лæвæрттæ дæр. Улубиаты Лидия куыд хистæр кары адæймаг, афтæмæй, йæ зæрдæбын ныхасæй æрмæст йæ бинонты нæ рæвдауы, фæлæ ма хъæуы цæрджыты, стæй партийы цы æрыгæттæ ис, уыдоны. Улубиаты Лилия райгуырд 1928 азы. Каст фæци Бруты астæуккаг скъола. Чысыл фæстæдæр бацыди театралон училищæмæ. Уый фæстæ сылгоймаг куыста хъæуы бынæттон культурæйы хæдзары сæргълæуугæй. Посты та фæкуыста 40 азæй фылдæр. Йæ бинонтæ ныртæккæ амондджын сты, сæ фарсмæ ахæм хистæр кæй ис, уымæй. Кæд Улубиаты Лидия йæ царды зындзинæдтæ бирæ бавзæрста, уæддæр уымæн йæ ныфс никуы асаст. Кæддæриддæр архайдта, цæмæй йæ алыварс цы адæм ис, уыдонæн æппынæдзух æххуыс кæна. Къутæрты Аидæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv