Национ проекттæн æмæ паддзахадон программæтæн ацы аз республикæйы снысан кодтой 14 млрд сомы бæрц. Схардз сæ кæндзысты, социалон нысаниуæг кæмæн ис, ахæм объектты цалцæг æмæ арæзтадыл, фæндаггон хæдзарады рацарæзт æмæ коммуналон системæтӕ сног кæныныл. Ацы фарстатыл ныхас цыд Дзанайты Барис æмæ министрты кабинеты æмбырды рæстæг. Премьер фæнысан кодта, хицауады размæ кæй ис ахсджиаг фарстатæ социалон-экономикон райрæзты къабазы. Лæмбынæг кæсын хъæуы, федералон æмвæзадыл цы куыст цæуы, уымæ. Афойнадыл цæттæ кæнын гæххæттытæ æппæт проекттæ æмæ программæты бацархайынæн.